TRT TELEVİDENİYESI

İL KÜLÄMENDÄGE TELEVİDENİYE TAPŞIRULARI

TRT-1 (Ğailä kanalı)

• TRT-1 kanalınıň maqsatı - Törkiyä külämendä berençe çiratta ğailälär bulu belän bergä törle yäştäge keşelär, törle hönär iyäläre häm belem, mädäni däräcäse törle bulğan tamaşaçınınıň küňelen açu belän bergä alarğa mäğlümät tä birü. Kanal bu eşne başqarğanda belemnären, yärdämläşü, berdämlek häm bärabärlek xis–toyğılarınıň nığıtıluına, milli mädäniyät bötenläşüeneň tä’min itelüenä yärdäm itü, xäbär birü häm muzıka tıňlau ixtıyacların qanäğatländerüne maqsat itep quya.
• TRT-1 tapşıruları uqıtu-öyrätü, mädäniyät, drama, muzıka, küňel açu häm sport programmaları belän soñğı xäbärlärdän tora. Reklamlarğa da urın birelä.
• TRT-1 neň tapşırularnı alıp baru üzäge - Ankara televideniyesı.

TRT-2 (Mädäniyät – sänğat, xäbär)

• TRT-2 neň maqsatı - tamaşaçılarnıň mädäniyät häm sänğat ölkäsendäge ixtıyacların, teläklären qanäğatländerü öçen törek mädäniyäte häm sänğate belän tanıştıru, zamança mädäniyät häm sänğat ağımnarına da urın birü. Kanal törek mädäniyät häm sänğateneň dönya mädäniyäte häm sänğate eçendä totkan urının bilgeläw, ayıruça balalar häm yäşlärneň traditsion mädäniyät häm sänğat qimmätlären saqlap qalıp, zamança qimmätlärneň sintezın barlıqqa kiterüçe şäxeslär bularak citeşülärenä öleş kertüne maqsat itep quya.
• TRT-2 tapşıruları - uqıtu-öyrätü, mädäniyät (dokumental filmnar, sänğat häm mädäniyät programmaları belän sänğat häm mädäniyät belän bäyle bäxäslär), xäbär (könüzäk, iqtisad, sänğat ham mädäniyät, xäbär programmaları), sport, muzıka, ( muzıkanıň här töre) häm drama (serial, äbäbiyat, törek häm dönya kinosınnan saylanma ürnäklär, balalar öçen serial häm multfilmnar) tapşıruların üz eçena ala.
• TRT-2 neň tapşırularnı alıp baru üzäge - Ankara televideniyesı.

TRT-3

• TRT-3 neň maqsatı - tamaşaçıların ayıruça sport waqiğaları belän tanıştıru.
• TRT-3 tapşıruları TRT-GAP häm TBMM TV belän üzara wakıt büleşep alıp barıla. Eçtälegen nigezdä sport programmaları häm uqıtu –öyrätü , mädäniyät häm muzıka programmaları, xäbärlär täşkil itä. Reklamalarğa da urın birelä. Ayıruça bu kanalda atna eçendä här kön bilgele ber waqıtlarda, törek watandaşları könlek tormışlarında traditsion räweştä qullangan tel häm şivälärdä mädäniyät, xäbär häm muzıka tapşıruları kürsätelä.
• TRT-3 neň tapşırularnı alıp baru üzäge – Ankara televideniyesı.

TRT-4 (Mäğarif)

• TRT-4neň maqsatı - köndezge häm çittän torıp belem alu programmaları belän uquçılarğa yärdäm itü, tamaşaçılarnıň muzıka tıňlau ixtıyacların qanägatländerü.
• TRT-4 tapşıruları urta häm yugarı belem aluçı uquçılarğa yünälgän köndezge häm çittän torıp uqu belän qalğan wakıtlarda urın bireläçäk mädäniyät, muzıka häm küňel açu programmalarınnan tora. Reklamlarğa da urın birelä.
• TRT-4 neň tapşırularnı alıp baru üzäge - Ankara televideniyesı.

TRT-G.A.P

• TRT-GAP nıň maqsatı - Könyak könçığış Anadolu proyektınıň (GAP) ratsiıonal nigese salınuı öçen töbäktä kiräkle ictimaği, mädäni ham psixologik şartlarnı barlıqqa kiterü, töbäkneň iqtisadi häm mäğarif daräcäsen kütärügä yärdäm itü. Bu qısada könçıgış häm könyak könçığış Anadolu töbägendä yäşäwçelärneň ixtıyacların qänağatländerüne, GAPnıň töbäkkä häm ilgä kertkän öleşlaren häm alğarışların gomum tamaşaçıga citkerüdä öleş kertüne maqsat itep kuya.
• TRT-GAP tapşıruları könçıgış häm könyaq könçığış Anadolu töbäklärendä yäşäwçe xalıqnıň ixtıyacların qanäğatländerüçe häm töbäk üzençäleklären istä totıp äzerlängän uqıtu – öyrätü, mädäniyät, drama, muzıka programmaları belän xäbärlärdän tora. Reklamlarğa da urın birelä.
• TRT-GAP tapşıruları TRT-3 programma kanalınnan häm TBMM-TV belän üzara wakıt büleşü yärdämendä kürsätelä.
• TRT-GAP nıň tapşırularnı alıp baru üzäge - Ankara televideniyesı.

TELEGÜN

• Telekön tapşıruınıň maqsatı - cämğiyätneň (ğariplärne dä kertep) ixtıyacı bulğan könneň möhim xäbärläre, hawa torışı häm yul wäzğiyäte, sport, könüzäk mäsälälär, radio häm televideniye tapşıruları, madaniyät ham sänğat eşçanleklare, turizm häm säyäxät cirläre belän iqtisad kebek mäs’älälärne teletekstlı televideniyelärdän telägän waqıtta qaraw öçen mömkinlek tudıru.
  Telekön tapşırularında reklama häm iğlannarğa da urın birelä.
• Telekön tapşıruı teletekst bularak TRT-1, TRT-2 häm TRT-INT tapşırular çeltärennän kürsätelä.
• Telekönneň tapşırularnı alıp baru üzäge – Ankara televideniyesı.

TRT- Sanaq sistemalı tapşırular

• Sanaq sistemalı tapşırularnıň maqsatı - mäğlümät çığanaqları belan tözelgän kileşülär nigezendä ticari (säwdä-kommertsiyäle) häm öyrätü maqsatlı mäglümätlärne, televideniye tapşırularındağı VBI sistemasın qullanıp, abünäçelärneñ şäxsi sanaqlarına citkerü.
• Anadolu agentlıgı belän tözelgän kileşü nigezendä TRT-1 häm TRT-2 tapşırular çeltärennän sanaq sistemalı tapşırular birelä.
• Tapşırularnı alıp baru üzäge (Xäbär idaräse mödirlege cawaplılığında) - Ankara televideniyesı.

XALIQARA TELEVİZİON TAPŞIRULARI

TRT-INT

• TRT-INT kanalınıň maqsatı - çit illärdä yäşäwçe törek wadandaşlarınıň Törkiyä häm törek mädäniyäte belän bäyläneşläreneň däwamın tä’min itü, Törkiyä häm töreklärne här ölkädä tanıtu, belem birü häm mädäniyät däräcäsen kütärü. Kanal Törkiyädän çittä yäşäwçe törek watandaşlarınıň törle ölkälärdäge problemaların çişügä yunälep Törkiyä cömhüriyäte belän mönäsäbätlären däwam itterülärenä, ayıruça yäşagän illäreneň mädäniyätlären tanıtıp, yaraqlaşuların ciňeläytügä öleş kertüne maqsat itep quya.
• TRT-INT tapşıruları uqıtu – öyrätü, mädäniyät, drama, sport, mızıka, küňel açu programmaları belän soñğı xäbärlärdän tora. Tapşırularında reklamlarğa da urın birelä alına.
• TRT-INT kanalında här säğat başında soňğı xäbärlär çığarılışı urın ala. Kiräk bulğanda qayber programmalar belän reklamlar çit tellärdä häm subtitr belän yazıla ala. Monnan tış bilgele ber tärtip belän saylanğan tapşıru törläreneñ DVB-S (iyärçeñ aşa sanlı translyatsiya) standartları qısalarında küp telle dublyaj yasalıp efirğa birelüe buldırıla.
• TRT-INT tapşıruları Törkiyädä bilgele ber üzäklärgä, çit illärgä iyärçen aşa, ayıruça törek watandaşları küp yäşägän Germaniyağa häm başqa illärgä citkerela.
• TRT-INT kanalınıň tapşırularnı alıp baru üzäge – Ankara televideniyesı.

TRT-TÜRK (Törki-türk dönyası)

• TRT- TÜRK kanalınıň maqsatı - Qavqaz häm Urta Aziyağa yünälgän programmaları belän Törkiyäneň häm törki däwlätlärneň törle ölkälärdäge mömkinleklareneň, töreklärne, törki xalıqlarnı törle yaqlap tanıtunı tä’min itü. Bu qısada Törkiyädän çittä başqa törki däwlätlärneň ğämmävi mäğlümat çaraşarı tarafınnan äzerlänäçäk programmalarga häm urtaq äzerlek eşlärenä urın birergä äzerlänä.
• TRT-TÜRK tapşıruları - uqıtu–öyrätü, mädäniyät, drama, muzıka, küňel açu programmaları belän xäbärlär çığarılışınnan tora. Tapşırularda reklamlarğa da urın birela ala. Kiräk bulğanda translyatsiya töbäge eçendäge illarneň üz tellärendäge reklamlar da birerga mömkin.
• TRT-TÜRK tapşıruları çit illärdä iyärçen aşa Urta Aziyada törki xalıqlar bulğan barlıq illärgä tapşırıla.
• TRT- TÜRK tapşıruları törek telendä alıp barıla. Programmalar, üzençälege häm maqsatı iğtibarğa alınıp, kiräk bulğan oçraqta çit teldä häm törek teleneň törle şivälärendä subtitr belän tapşırıla ala. Ayıruça bilgele ber tärtip belän saylanğan tapşıru törläreneñ DVB-S (iyärçeñ aşa sanlı translyatsiya) standartları qısalarında küp telle dublyaj yasalıp efirğa birelüe tä’min itelä.
• TRT-TÜRK kanalınıň tapşırularnı alıp baru üzäge - Ankara televideniyesı.

TRT televideniyesı xakında tagın da kübräk mäğlümät alu öçen : http://trt.net.tr/TV/TvAna.aspx