Tabiğıy gaz ütkärgeçen açu tantanasında Törekmänstan ilbaşı Gurbanguli Berdimuhamedov, İran ilbaşı Mahmut Ahmedinejat häm Törkiyädän Energetika häm tabiğıy çığanaqlar ministrı Taner Yıldız da qatnaştı.

Törekmänstan ilbaşı Gurbanguli Berdimuhmedov yaña ütkärgeç yärdämendä İranğa çığarılğan tabiğıy gaznıñ yıllıq 20 milliard kub metrğa citkerelä alaçağın belderde.

İran ilbaşı Mahmut Ahmedinejat Törekmänstannan İranğa gaz taşuçı ütkärgeçlärdän Farsı qultığı häm Awrupağa da gaz cibärelä alaçağın citkerde.

İke lider soñınnan yaña ğaz ütkageçeneñ açılışın yasadı.

Törekmänstannıñ könyaq- könçığışındağı yatmalardan tabiğıy gaz taşıyaçaq 30 meñ 500 metrlıq ütkärgeçlärdän İranğa yılda 12 milliard kub metr tabiğıy gaz cibäreläçäk.

Yaña gaz ütkärgeçeneñ açılış tantanasında qatnaşu öçen Törekmänstanğa kitkän Törkiyäneñ Energetika häm tabiğıy çığanaqlar ministrı Taner Yıldız ilbaşı Gurbanguli Berdimuhmedov häm İran ilbaşı Mahmut Ahmedinejat belän ayırım –ayırım küreşep söyläşte.

Taner Yıldız älege söyläşülärdä Törekmänstan gazın İran aşa Törkiyä häm Awrupağa cibärü turında süz baruın belderde.