”Manga” törkeme xaqında qısqaça mäğlümat

2010 nçı yılnıñ 29 nçı mayında Osloda uzaçaq 55 nçe Yevrovideniye cır bäygesendä Törkiyäne “MANGA” törkeme wäkillek itäçäk. Törkiyä teleradiokompaniyäse awrupalı muzıkantlar belän yarışu öçen “MANGA” törkeme belän kileşü tözede. Dönyaküläm tanılğan rok törkeme uzğan könnärdä MTV televideniyese tarafınnan “Awrupanıñ iñ yaxşı sänğatçese” itep saylanğan ide.

1979nçı yılda Törkiyä başqalası Änkarada dönyağa kilgän Ferman Akgül muzıka belän 9 yäşendä tanışa. 1998 nçe yılda Gazi universitetı Miğmarlık fakultetına uqırğa kerä, bu çorda berençe tapqır muzıka törkemnäre belän tanışa. “Virgin Pulp”, “Colik”, “70lik” häm “Seven” törkemnärendä eşli. 2001nçe yılnıň azağına taba yaňa ğına qorılğan häm solistı bulmağan “Manga” törkemenä kilä.

1979nçe yılda Antalyada tuğan Yağmur Sarığül başlanğıç mäktäptä uqığanda uq muzıka beleme ala. Başta berniçä cirdä gitara, skripka, pianino däresläre alğannan soň Gazi universitetınıň muzıka fakultetına (gitara bülege) uqırğa kerä. “Laterna” häm “6/8” törkemnärendä eşli. Yağmur - “Manga” törkemen oyıştıruçılarnıň berse.

1979nçı yılda Denizli şähärendä dönyağa kilgän Cem Bahtiyar muzıka dönyasına berençe adımnarın 3nçe sıynıfta uqığanda yasıy. Bass gitarada uynawçı Cem Bahtiyar Denizli konservatoriyäse häm Denizli Anadolu litseyın tämamlağannan soň belem aluın Bilkent universitetında däwam itterä. “Seven” törkemendä dä eşlägän Cem soňınnan “Manga” törkemenä quşıla.

1980nçe yılda Änkarada tuğan Özgür Can Öney litseyda uqığan waqıtta barabanda uynıy başlıy. “70lik” isemle törkem belän barlarda häm bäyrämnärdä kontsertlar quyıp, professional muzıka dönyasına ayaq basa. Şul uq waqıtta qayber teatrlarda uynıy. Soňınnan “Manga” törkemenä kilä.

1979nçe yılda Änkarada dönyağa kilgän Efe Yılmaz M.E.Waqfı Köksal Toptan isemendäge litsey häm Çankaya litseyın betergännän soň University of South Florida uqu yortında belem ala. Törkiyägä qaytqaç Anadolu universitetına kerä. Barabanda uynawçı Efe muzıka eşçänlegen “Manga” törkemendä başlap cibärä.

Törkemneň ireşkän uňışları

MTV Awrupa muzıka büläkläre bäygesendä "Awrupanıň iň yaxşı sänğatçese"itep saylana.

* 2002: “Sing Your Song” (Üz cırıňnı cırla) bäygesendä 2nçe urın.

- Törkem äğzase Yağmur Sarıgül 2002nçe yılda “İň yaxşı muzıkant” bülägenä layıq bula.

* 2005: POPSAV büläkläre - “İň yaxşı rock törkeme”. - “İň yaxşı video”.

* 2005: Xörriyät Altın Kübäläk Büläkläre

- 4 tapqır “İň yaxşı çığış yasağan törkem” büläge.

* 2006: MÜYAP Büläkläre

- Çığış yasağan waqıtta iň küp alarnıň albomı satılğanı öçen Altın Park büläge.

* 2006: Our Future Jurnalı; “İň yaxşı törkem”.

* 2006: Jetix TV Büläkläre; “İň yaxşı törkem”.

* 2006: Beyaz Show Oscarları: “İň yaxşı çığış”.

* 2006: Kemal Sunal Mädäniyät häm Sänğat Büläkläre: “İň yaxşı çığış yasağan törkem”.

* 2006: Popsav Büläkläre; “İň yaxşı Rock häm Alternativ törkem” häm “İň yaxşı klip”.

* 2007: Radio Boğaziçi; “İň yaxşı animatsiyon klip” (Yalğan)

* 2007: Kanaltürk Büläk tapşıru kiçäse; “İň yaxşı klip”, “İň yaxşı törkem”

* 2007: Yıldız Teknik Üniv. “İň yaxşı törkem” büläge.

* 2009: MTV EMA 09; “İň yaxşı törek sänğatçese”.