Awrupada rasaçılık häm İslamğa qarşı bulu artqan waqıtta aqıllı fiker yörtüçelär dä tawış-tınsız qalmıy.

Möselmannarğa qarşı açu häm näfrätne qabızıp cibärü belän xökemgä tartılğan Hollandiyale artıq uñçı lider Geert Wildersnıñ mägnäsez süzlärenä ekspertlar wäkillegennän qırıs cawap kilde: “Wilders Qör’änneñ tınıçlıq belän bäyle ayätlärenä iğtibar birmi. İslam – qırıslıq dine tügel.”

Mäxkämä Wildersnıñ yalaları belän bäyle bularaq qaraşların öyränü öçen möräcäğat itkän 6 belgeç rasist lidernıñ bäyannarınıñ cämäğatçelekne “yalğıştıruçı häm yuldan yazdıruçı” buluın belderde.

Qör’än häm İslam xoquqı mäs’älalärendä belgeç bulğan Hollandiyale ekspertlar äzerlägän xisapta rasist häm İslamğa qarşı bulğan Wildersnıñ: “Qör’än-i Kärimne üze telägançä bäyäläwe häm tınıçlıq belän bäyle ayätlären iğtibarsız qaldıruı,” – citkerelde.

Hollandiyale rasist lider Wildersnı awır xäldä qaldıruı kötelgän xisapta:

"Bügenge köndä xristiyannar bulsın, möselmannar bulsın dinnären mäcbüri räweştä cäyelderü mäs’äläsenä iğtibar itmi. Möselmannarnıñ kübese terrorçılıqqa qarşı häm könbatışlılardan kübräk terror qorbanı küralär,” – dip äytelde.