Gül kiçä Hindıstanğa kitär aldınnan İstanbulda Awrupa Şurası Ğomum särkätibe Thorbjorn Jaglandnı qabul itte.

Söyläşü waqıtında dönyada arta baruçı ayırımlılıq, tsivilizatsiyälär ittifaqı, Törkiyä häm Awrupa arasındağı urtaq qimmätlär kebek mäs’älälärneñ quzğatıluı belderelde.

İlbaşı Gül, Awrupa Şurasınıñ keşe xoquqları häm demokratiya kebek urtaq qimmätlärneñ tamır cäyüe mäs’äläsendäge wazifasınıñ bik zur ähämiyätkä iyä buluın belderep, Şuranıñ bu mäs’älälärdä töp standartlarnıñ buldırıluındağı rolenä basım yasadı.

Dönyada ayırımlılıq, tüzemsezlek häm çit il doşmanlığınıñ arta baruına işarä itüçe Gül monıñ kebek tiskäre ağımnarğa qarşı toruda da Şuranıñ möhim role buluın äytte.

Tsivilizatsiyälär İttifaqı proyektın xäterlätüçe Gül Jaglandqa tsivilizatsiyälär arasında ike yaqlı añlayışnıñ qamilläşterelüe häm monıñ Awrupada bäxäsläşelüeneñ Şura tarafınnan täşviq itelüe telägen citkerde.

Awrupa Şurası Ğomum särkätibe Jagland ta, Törkiyä belän Awrupa Şurasınıñ töp qimmätläreneñ urtaq buluın belderep, Törkiyäneñ şuşı qimmätlärne töbägendä cäyelderüendäge rolennän qanäğät buluların assızıqlap äytep uzdı.