Dönyanıñ şaqtıy ilennän yuğarı däräcäle şäxeslär dä şuşı möhim kiçädä qatnaşaçaq.

İstanbul Awrupa mädäniyät başqalasınıñ açılış çaraları xalıqara dairälärneñ zur külämle qatnaşuı belän başqarılaçaq.

Haliç Kongress üzägendä Törkiyä belän ber rättän Awrupadan da yuğarı däräcäle diplomatlar, säyäsät, eş häm mädäniyät-sänğät dönyasınıñ tanılğan şäxeslärennän torğan 5 meñ qunaq cıyılaçaq.

Protokol açılışı ilbaşı Abdullah Gül häm Premyer-ministr Recep Tayyip Erdoğan tarafınnan yasalaçaq.

Törkiyä waqıtı belän kiçke cidençe yartıda başlanaçaq räsmi däwlät tantanası häm açılış çığışlarınnan soñ bu kiçä öçen maxsus äzerlängän “İstanbul sixere” isemle tamaşa belän däwam itäçäk.

Tarixında öç imperatorlıqqa qoçağın açqan İstanbulnıñ böten qimmätläre täqdir iteläçäk tamaşada tanılğan sänğätçelär säxnägä çığaçaq häm İstanbul xalqına iskitkeç sänğät kiçäsen täqdim itäçäk.