Törekmänstan tabiğıy gaz citeşterüne arttıru öçen çit il şirkätläre belän 10 milliard dollarlıq kileşülär imzaladı.

Törekmän tabiğıy gazınıň eşläp çığarıluı häm yaňa neft eşkärtü eşxanäseneň tözelüen üz eçenä alğan kileşülär Berläşkän Ğaräp Ämerlekläre, Qıtay häm Könyaq Koreya şirkätläre belän imzalandı.

Bu şirkätlär Törekmänstannıň ikençe zur tabiğıy gaz yatmaları urnaşqan Könyaq Yolöten-Osman töbägendä yaňa qoyılar açaçaq, neft eşkärtü eşxanäläre qoraçaq.

Qoyı häm eşxanälär açılğaç Törekmänstannıň yıllıq yaqınça 80 milliard metr3 lıq tabiğıy gaz citeşterüenä tağın 50 milliard metr3 östäläçäk.

Kileşülär Nabucco proyektın xuplawçı Qıtay, Rusiyä häm İranğa tabiğıy gaz satuçı Törekmänstannıň bu qadär tabiğıy gaznı ta’min itä almayaçağı turındağı däğwalarğa birelgän cawap üzençälegen taşıy.

150 tiräse tabiğıy gaz yatması tabılğan Törekmänstanda bügenge köngä qadär bolarnıň 50se qullanıla başlandı.

Törekmänstan 14nçe dekabr könne Qıtayğa tabiğıy gaz küçerä başladı, 22nçe dekabr könne Rusiyä belän 30 yıllıq tabiğıy gaz eksport kileşüen tözede.

Monnan alda İranğa ber gaz ütkärgeçe bulğan Törekmänstan bu il belän ikençe tabiğıy gaz ütkärgeçeneň açılışın 6nçı ğinwar könne yasayaçaq.

Törekmänstan 2010nçı yılda Rusiyağa 30 milliard metr3, İranğa 20, Qıtayğa da 6 milliard metr3 tabiğıy gaz sataçaq.