Posted 01.02.2010 12:42:01 UTC Updated 01.02.2010 12:42:01 UTC
Törekmänstan tabiğıy gazınıň Qıtay başqalası Pekinğa ireşüe belderelde.
Törekmänstan mediası Könbatış-könçığış ütkärgeçeneň könbatış öleşeneň xezmät öçen açıluın citkerde.
Qıtaynıň neft häm tabiğıy gaz şirkäte CNPCğa tayanıp, birelgän xäbärlärdä ğinwar ayınıň soňğı un könendä törekmän tabiğıy gazınıň Pekin yanındağı Szinbyan kompressor stantsiyasenä barıp citüe açıqlandı.
Törekmänstan-Qıtay ütkärgeçe Qıtaynıň üz eçendäge Könbatış-könçığış ütkärgeçenä östälüe belän törekmän gazı Samandepe yatmasınnan Üzbäkstan häm Qazaqstan aşa Qıtayğa citkerelä.
Urta Aziyanıň tabiğıy gazın Qıtayğa taşıyaçaq Törekmänstan-Qıtay tabiğıy gaz ütkärgeçe 2009nçı yılnıň 14nçe dekabr könne Törekmänstan, Qıtay, Qazaqstan häm Üzbäkstan däwlät başlıqları qatnaşqan tantanada açılğan ide.
Törekmänstan-Qıtay tabiğıy gaz ütkärgeçe belän Qıtayğa 2010nçı yılda 6 milliard, 2015nçe yıldan başlap isä yılda 40 milliard metr3qa tabiğıy gaz satılaçaq.
|