İspaniyädä çığuçı “El Pais” gazetınıñ internet säxifäsendä Törkiyä Premyer -ministrı Recep Tayyip Erdoğan belän ütkärelgän äñgämägä urın birelä.

Xäbärdä Premyer-ministr Erdoğannıñ Törkiyäneñ İslam dönyası belän könbatış arasında küper wazıyfası başqara alaçağı turında äytüe citkerelä.

Germaniyädä çığuçı “Focus” jurnalı Awrupa Berlegeneñ çirattağı başlığı İspaniyäneñ Törkiyäneñ Awrupa Berlegenä tulı äğzalığı yaqlı buluın açıqlawın citkerä.

“İspaniya Törkiyäneñ Awrupa Berlegenä äğzalığın tizlätergä teli” iseme astına birelgän xäbärdä İspaniya Premyer-ministrı häm Awrupa Berlegeneñ çirattağı räise Jose Luis Rodriguez Zapateronıñ :” Bez bu äğzalıqqa härwaqıt xuplaw kürsättek”,-dip äytüe belderelä.

İranda çığuçı “Abrar” gazetınıñ internet säxifäsendä Frantsiya Premyer-ministrı François Fillonnıñ Törkiyäneñ aradaşçılığı belän Süriyä –İzrail arasında turıdan –turı bulmağan söyläşülärneñ başlanuı kiräklegenä işarät itüe citkerelä.

Xäbärdä Frantsiya Premyer-ministrı François Fillonnıñ Süriyä , Törkiyä häm İzrail belän söyläşülär mäs’äläsendä ileneñ eşkä kereşüe turında äytüe belderelä.

Germaniyädä çığuçı “Süddeutsche Zeitung” gazetı Törkiyä belän Ğiraq arasında poyezd säfärläreneñ başlanuı turında yaza.

Xäbärdän kürengänçä, atnalıq oyıştırılğan säfärlärne yılda 10 meñ yulçınıñ qullana alaçağı küzdä totıla.

Belgiyada çığuçı “Le Soir”gazetı“Altın ayu öçen bal” isemle xäbärendä Berlin kino festivalen yaqtırtuğa kiñ urın birä. Xäbärdä bıyılğı “Altın ayu” bülägenä törek rejisserı Semih Kaplanoğlunıñ “Bal” isemle filmeneñ layıq buluı citkerelä.