Germaniyada çığuçı Welt am Sonntag gazetında urın alğan “Törkiyä Awrupağa xas” isemle yazmada İspaniya Tışqı eşlär ministrı häm Awrupa Berlege çirattağı başlığı Miguel Angel Moritanos belän ütkärelgän äňgämä citkerelä.

Xäbärdä Änkara belän tağın 4 söyläşü başçası açaçaqların beldergän Moritanosnıň Törkiyäneň äğzalege yaqlı buluların äytüe citkerelä.

Xäbärdä Moritanosnıň tübändäge süzlärenä urın birelä: “Törkiyä – Awrupa ğailäse äğzase. Törek diplomatiyase Urta Könçığış, Yaqın Könçığış häm Urta Aziyada köçle bağlanışqa iyä häm möhim aradaşçı. Monıň belän ber rättän Törkiyä Könçığış belän Könbatış dönyasınıň mädäniyätläre arasında ähämiyätle dialog elementı.”

Frantsiyada basıluçı Dernieres Nouvelles d'Alsace gazetı Awrupa Şurası Parlamentariylar Mäclese räislegenä Mevlüt Çavuşoğlunıň saylanuın yaza.

Xäbärdä Mevlüt Çavuşoğlu saylanılğannan soň: “Bu wazifağa bilgelängän berençe törek keşese häm iň yäşe min bulğanım öçen bik bäxetlemen häm monıň belän ğorurlanam,” – dip äytüe belderelä.

Germaniyada çığuçı Frankfurter Rundschau gazetı Mevlüt Çavuşoğlunıň Awrupa Şurası Parlamentariylar Mäclese räislegenä bilgelänüen “Änkara öçen prestij qazanış” isemle mäqalä başı yärdämendä citkerä.

Germaniyada basıluçı Der Tagesspiegel gazetı şul uq xäbärne “Änkara öçen ğorurlıq köne” iseme astında citkerä.

Paqıstanda çığuçı The Nation gazetı Tähran aşa İslamabad-İstanbul yulçı poyezdı säfärläreneň qısqa waqıt eçendä başlayaçağın yaza.

Xäbärdä sınap qaraw maqsatı belän yasalğan berençe konteyner poyezdı säfärendä poyezdnıň 2009nçı yılnıň 14nçe avgust könne İslamabadtan yulğa çığuı häm Tähran aşa İstanbulğa 28nçe avgust könne barıp citüe belderelä.

Gazet Federal Timeryulları ministrı Gulam Ahmet Bilour tamğanä, yägni tamojnyalar häm başqa texnik mäs’älälär belän bäyle qıyınlıqlarnıň 3 il arasında xäl itelüen assızıqlawın citkerä.

Grek matbuğatı Premyer-ministr Recep Tayyip Erdoğannıň noyabr ayında Gretsiya Premyer-ministrı Yorgos Papandreuğa yazğan xatta birelgän cawapqa kiň itep urın birä.

Gretsiyada basıluçı Eleftherotipia gazetı Yorgos Papandreunıň Erdoğannıň yuğarı däräcäle xezmättäşlek komitetınıň oyıştırıluı täqdimen qabul itüen häm Premyer-ministr Erdoğannı Afinağa räsmi säfär yasarğa çaqıruın yaza.

Gazet säfärneň zur ixtimal belän cäy köne çınğa aşaçağın belderä.