Fransiyada yäşäwçe qırım tatar tarixı belän qızıqsınuçı Guliver Altınnıñ 2004nçe yılda tözegän vizual’ "Larichesse" muzeyınıñ berençe filialı Qırımnıñ Aybar awılında açıldı.

Larichesse muzeyı - Guliver Altın tarafınnan 2004nçe yılda Fransiyada qorıldı. Altın arxivında Qırım tarixı belän bäyle bularaq dönyanıñ 25 ilennän satıp alınğan räsemnär, kitaplar, qırım tatarlarınıñ 17nçe häm 20nçe ğasırlarına qarawçı öy qoralları urın ala.

Filialnıñ açılışı – Qırım möxändislek (injenerlıq) häm pedagogiya universitetınıñ qırım tatar häm törek tele häm ädäbiyatı fakultetı uquçısı Said Boltaboyev initsiativası belän häm şul uq universitetnıñ qırım tatar häm törek filologiyäse uqıtuçısı Nariman Abdulvaap citäkçelegendäge "Tarix belderde" isemle proyekt qısalarında başqarıldı.

Muzey filialına awılnıñ 1944nçe yılğa qadär räsmi bulğan Aybar iseme birelde.

Muzeyda berençe çiratta 18nçe-19nçı ğasırlarda Qırımda yäşägän qırım tatarları, greklar, urıslar, ukrainnar, almannar, moldovannar, çuvaşlar häm estonnarnıñ tormışın añlatuçı gravyura häm taşbasma reproduksiyäläre täqdim itelä.

Kürgäzmägä kilüçelär Qırımğa säyäxätkä kilgän häm üz küzätülären äsärlärendä çağıldırğan Rusiyä häm Awrupa rässamnarınıñ räsemnären qarıy ala.