Sabah gazetı “Änkarada tarixi tınıçlıq” isemle xäbärdä yaqın ütkändä zur qayğı-xäsrätkä säxnä bulğan Balkanda normälläşü öçen iñ ähämiyätle adımnıñ yasalaçağın yaza. Bu mäs’älädä Törkiyäneñ tawışsız ciñüenä tuqtalğan gazet Bosnya-Gertsegovinya häm Serbiyanıñ Änkarada ike yaqlı ilçe cibärü açıqlawın yasayaçaqların citkerä.

Sabah gazetı Törkiyä Tışqı eşlär ministrı Ahmet Davutoğlunıñ aradaşçılığında oçraşaçaq Bosnya-Gertsegovinya Tışqı eşlär ministrı Sven Alkalaj belän Serbiya Tışqı eşlär ministrı Vuk Jeremiçnıñ äzerlängän urtaq aktsiya planın bar dönyağa iğlan itäçäklärenä işarät itä.

Hürriyet gazetı “Angliyadan uquçılarğa qırıs çaralar” isemle xäbärendä Angliyanıñ Awrupa Berlege illärennän bulmağan uquçılarğa bik qırıs çaralar alıp kilergä äzerlänüen belderä.

Gazet Angliya Eçke eşlär ministrı Alan Johnsonnıñ ilgä uquçı bularaq kiläçäk keşelär öçen viza alunı qıyınlaştıraçaqların häm bu yulda çaralar küräçäklären äytüen yaza.

“Uran citeşterergä boyırdım” isemle xäbärdä Yeni Şafak gazetı İran däwlät başlığı Mahmud Ahmedinecadnıñ ileneñ Atom Energiyası oyışmasına Tährandağı atom-töş tikşerenü reaktorı öçen bayıtılğan uran eşläp çığaru eşçänlege yulında boyırıq birüen belderüen citkerä.

Yeni Şafak gazetı “Dönyada İstanbul kebege yuq” isemle xäbärdä tanılğan Amerikan “The New York Times” gazetında urın alğan xäbärgä iğtibar yünältä.

Gazet Jennifer Conlin tarafınnan yazılğan “36 säğattä İstanbul” isemle yazmada İstanbulda berniçä cirne gizärgä kiñäş itüen belderä.

Yeni Şafak gazetı Amerikan gazetınıñ İstanbulnıñ meñnärçä yıl elekkegä xas häm yaxşı belenüçe tarixi urınnar belän ber rättän artıq belenmägän bik zamança urınnarnıñ da buluın häm İstanbulnıñ 2010 Awrupa Mädäniyät başqalası bulğanı öçen bu zamança urınnarnıñ xalıqara qızıqsınu üzäge bula başlawın yazuın citkerä.